1 jeltoqsan kúni «Bektas-Qonys» ken ornynda jumysshylarǵa arnalǵan 48 konteıner órtendi. Munaı kenishinde 30 adam bolǵany anyqtaldy. О́rt kezinde úsh adam kóz jumdy, dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.
"О́rtti sóndirýge Tótenshe jaǵdaılar departamentiniń 19 qyzmetkeri men 3 tehnıkasy, «PojMontajQurylys» JShS memlekettik emes órtke qarsy qyzmetiniń 9 jumysshysy men 2 tehnıkasy, «PetroQazaqstanQumkólResýrs» JShS memlekettik emes órtke qarsy qyzmetiniń 3 qyzmetkeri men 1 tehnıkasy jumyldyryldy. О́rt bes saǵatqa sozyldy. Iаǵnı, tańǵy saǵat 06:40-ta sóndirildi. Oqıǵa ornynda qaza tapqan 1967, 1985 jáne 1970 jylǵy azamattar. Búginde órttiń shyǵý sebepteri tekserilýde", - dedi Oblystyq TJD bastyǵynyń mindetin atqarýshy Rýslan Qaıraqbaev.
Oblystyq eńbek salasyn baqylaý basqarmasynyń basshysy Tóreahmet Jolymbetovtyń aıtýynsha, ken ornynda kóz jumǵan adamdardyń eńbek sharty tekserilip, tıisti qujattar daıyndalady.
"Olardyń eńbek sharty saqtalady. Iаǵnı, saqtandyrý qory boıynsha tıisti tólemder tólenedi. Budan bólek, memleket tarapynan otbasyna áleýmettik járdemaqy beriletin bolady", - dedi oblystyq eńbek salasyn baqylaý basqarmasynyń basshysy Tóreahmet Jolymbetov.
О́rt qaýipsizdigi saqtalmaǵany úshin qylmystyq is qozǵaldy. Iаǵnı, QR qylmystyq kodeksiniń 292 babynyń 3 bóligi boıynsha sotqa deıingi tergep-tekserý jumystary júrgizilýde. Atalǵan is boıynsha saraptamalar taǵaıyndaldy.