Elordada tennısten ITF Juniors J3 sanatyna enetin jasóspirimder arasyndaǵy «Nur-Sultan Open» halyqaralyq týrnıri bastaldy.
Bedeldi jarysty Halyqaralyq tennıs federasııasy men Qazaqstan tennıs federasııasy birlesip ótkizýde. Týrnırde 6 eldiń, atap aıtqanda AQSh, Germanııa, Reseı, О́zbekstan, Belarýs jáne Ýkraınanyń úzdik jasóspirim tennısshileri baq synap jatyr. Qazaqstan namysyn elimizdiń eń myqty jasóspirim tennıs sheberleri Tatıana Nıkolenko, Elızaveta Karlova, Arýjan Saǵyndyqova, Danıl Ozernoı, Artýr Haırýtdınov sekildi sportshylar qorǵaýda.
Aıta keteıik, jarysta jeńimpaz atanǵan tennısshi ITF jasóspirimder reıtınginde 100 upaı ıelenedi. Bul dodada jas tennısshiler álemdik reıtıngtegi ornyn jaqsartyp qana qoımaı, sheteldik jetekshi sportshylarmen oınap, tájirıbe jınaqtaıdy.