Bıyl QR Memlekettik qyzmet isteri agenttiginiń bastamasymen Memleket basshysy memlekettik qyzmetshilerdiń «Dıplommen aýylǵa» jobasyna qatysýǵa múmkindik beretin zańnamaǵa ózgerister engizip edi. Baǵdarlama óz nátıjesin kórsetip jatyr, dep habarlaıdy Egemen.kz
Bul degenimiz aýyldyq jerlerde densaýlyq saqtaý, mádenıet, sport, orman sharýashylyǵy salasynda qyzmet etýge nıettengen azamattar qataryna memlekettik qyzmetshilerdiń de engendigin bildiredi.
Aqtóbelik memlekettik qyzmetshilerdiń arasynda alǵashqy bolyp, atalǵan jobany qoldanýǵa sheshim qabyldaǵandardyń biri – jas maman Azamat Ákimbaı.
Áıteke bı aýdanynyń Komsomol aýyldyq okrýgi ákimi apparatynda bas maman laýazymynda qyzmet atqaryp jatqan Azamat Ákimbaıdyń aıtýynsha bul joba jas mamandardyń kásibı ósýine úlken múmkindik.
Jaqynda otbasyly bolǵan jas maman aýylǵa kelip, baǵdarlama aıasynda kóterme járdemaqy jáne bıýdjettik nesıe alý arqyly turǵyn úıge qol jetkizgen.