«Habar» arnasy kórermenderine jańa jobasyn tanystyrady, dep habarlaıdy Egemen.kz
14 jeltoqsan, saǵat 16:00-de «Habar» telearnasynan «Men «Qazaqstandy jáne qazaqstandyqtardy ne úshin jaqsy kóremin» jobasynyń tusaý keseri jol tartýda. Telejoba 50 kınonovelladan turady, olardyń árqaısysy Qazaqstannyń ár túkpirinen kelgen qarapaıym adamdardyń shynaıy oqıǵalaryna negizdelgen.
Jobanyń bas prodıýserleri - Habar Agenttiginiń basshysy Erlan Bekhojın jáne tanymal ssenarıı avtory Baqyt Qılybaev.
Aǵymdaǵy jyldyń shilde aıynda «Habar» Agenttigi búgingi zamanymyzdyń batyrlary týraly belgili bir telehıkaıaǵa negiz bolatyn shynaıy oqıǵalardyń konkýrsynyń bastaý alǵanyn jarııalady. Baıqaýdyń qorytyndysy boıynsha úzdik áńgimeler tańdaldy, jáne olardyń sıýjet jelisi boıynsha kıno mamandary fılmder túsirilimin bastady. Túsirilim prosesine Qazaqstannyń barlyq aımaqtarynan 50 shyǵarmashylyq top at salysty. Kórermenderge dárigerlerdiń, polısııa qyzmetkerleriniń, kýrsanttardyń, ustazdardyń, sportshylardyń, eriktilerdiń erlikteri usynylatyn bolady.
«Men Qazaqstandy jáne qazaqstandyqtardy ne úshin jaqsy kóremin» jobasy eliktegisi keletin jáne maqtan tutqysy keletin adamdarǵa arnalǵan joba.
Jobaǵa jas sýretshilerden basqa tanymal akterler qatysty, olar: «Shal» fılminiń basty keıipkeri Erbolat Toǵyzaqov, QR eńbek sińirgen artısi Natalıa Dolmatova, teatr jáne kıno aktery Olga Landına, dombyrashy Marjan Kapsamat, Aıdos Tastaev jáne Nurjan Musaev.
Birneshe epızodtardyń keıipkerleri retinde jobaǵa óte jas akterler tartyldy. Mysaly, Anıs Tórebekqyzynyń jasy nebári 1 jas 3 aı, al Hákimjan 7 aılyq bolsa, túsirilim kezindegi jobanyń eń kishkentaı qatysýshysy Talǵat Musa 2,5 aılyq qana bolǵan.
«Men Qazaqstandy jáne qazaqstandyqtardy ne úshin jaqsy kóremin» jobasy qazirgi shaqta bizben birge ómir súretin, búgingi kúnniń zamanaýı batyrlaryn kórsetýge jáne tanytýǵa múmkindik beredi.
Aýqymdy televızııalyq joba Qazaqstan Respýblıkasy Táýelsizdiginiń 30 jyldyǵyna arnalǵan. 14 jeltoqsan kúni saǵat 16: 00-de «Habar» telearnasynda qazaqstandyq kınematografııa tarıhynyń zamanaýı batyrlary týraly áńgimelerdiń eń qyzyqty serııasynyń tusaý keserin jiberip almańyz.
https://www.youtube.com/watch?v=XJLKlfq4wpk