Áıgili germanııalyq Transfermarkt basylymy jýyrda qazaqstandyq fýtbolshylardyń álemdik naryqtaǵy baǵasyn jarııalady.
Basylymnyń jańa deregi boıynsha, Máskeýdiń SSKA klýbynda óner kórsetetin Bahtıer Zaınýtdınov qazaqstandyq fýtbolshylar arasynda eń qymbat oıynshy atandy. Onyń qazirgi baǵasy – 2 mıllıon eýro. Al buǵan deıin Qazaqstannyń eń qundy oıynshysy atanyp kelgen Baýyrjan Islamhan (Ál-Aın) 1,8 mıllıon eýromen bul joly ekinshi orynǵa túsip qaldy. Al úzdik úshtikti «Qaırat» klýbynyń jáne Qazaqstan quramasynyń eń jas qorǵaýshysy Nuráli Álip túıindedi. Jyl basynda nebári 900 myń eýroǵa baǵalanǵan ol bıylǵy maýsymdaǵy nátıjeli oıynynyń arqasynda quny ájeptáýir ósti. Qazirgi tańda ol 1,7 mıllıon eýroǵa baǵalanyp otyr.
Keıingi oryndarǵa myna fýtbolshylar jaıǵasqan: Islambek Qýat («Hımkı», Reseı), Dmıtrıı Shomko («Astana»), Stas Pokatılov («Qaırat»), Abat Aıymbetov («Qaırat»), Temirlan Erlanov («Tobyl») – barlyǵy 1,5 mıllıon eýro. Al Gafýrjan Súıimbaev («Qaırat») pen Aıbol Ábiken («Qaırat») 1,3 mıllıon eýroǵa baǵalanǵan.