Táýelsizdik merekesine oraı Shymkent qalasynda taǵy bir bilim ordasy paıdalanýǵa berildi. Asar-2 shaǵynaýdanynda 1200 orynǵa arnalǵan jańa mektep onlaın formatta ashyldy, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Jer teliminiń jalpy aýdany – 2,88 ga. Jobanyń smetalyq quny – 2 008 314,0 myń teńge.Jer teliminiń jalpy aýdany – 2,88 ga. Jobanyń smetalyq quny – 2 008 314,0 myń teńge.Bas merdiger «MK tehnostroı servıs» JShS qurylysty ótken jyly shilde aıynda bastaǵan edi. Qurylys kompanııasy nysandy josparǵa saı aıaqtady. Jalpy Shymkent qalasynyń bilim salasy Táýelsizdik jyldary kóptegen jetistikterge jetti.
Áleýmettik salada aıtarlyqtaı ilgerileý bar.Qalada 752 bilim berý mekemelerinde 338 myńnan astam balalar tárbıelenip, bilim alýda. Salaǵa bólingen qarjy kólemi 2016 jyly 41 mlrdtan 2,8 esege artyp, búginde 114 mlrd.-qa jetti. Pedagogtardyń ortasha aılyq jalaqysy sońǵy 5 jylda 3 ese ósti.Táýelsizdiktiń alǵashqy jyldary qaladaǵy balabaqshalar sany nebári 56-ny qurasa, qazirgi tańda demografııalyq jáne mıgrasııalyq ósimge sáıkes bul kórsetkish 470-ke artqan. Sonymen qatar, 29 jylda 98 mektep salyndy.
Úkimettiń «100 mektep, 100 aýrýhana» baǵdarlamasy jáne arnaıy túzilgen «Jol kartasy» aıasynda zamanaýı úlgidegi bilim oshaqtary boı kóterip, úsh aýysymda, apatty jaǵdaıda jáne yńǵaılastyrylǵan ǵımaratta ornalasqan 58 mektep tıptik úlgidegi ǵımarattarǵa kóshirildi.
Osy ýaqytqa deıin ózekti másele bolyp kelgen 36 mektepke ishki ájethanalar ornatý, bilim uıymdarynyń aýlasyn jaryqtandyrý jumystary tolyǵymen sheshimin tapty.«Sıfrlyq Qazaqstan» memlekettik baǵdarlamasy aıasynda bilim salasynda kórsetiletin 32 memlekettik qyzmet 100% sıfrlandyrý júıesine ótti.