AQSh Aýyl sharýashylyǵy mınıstrliginiń Ulttyq veterınarlyq qyzmeti jabaıy tabıǵatta tirshilik etetin janýardan koronavırýs ınfeksııasy tabylǵandyǵyn rastady. Iýta shtatynda jabaıy kúzendi tekserý barysynda qaýipti vırýs belgileri baıqalǵan, dep habarlaıdy Egemen.kz RIA agenttigine silteme jasap.
ProMED-mail platformasynyń saıtynda AQSh-tyń janýarlar men ósimdikter densaýlyǵyn tekserý qyzmetiniń (APHIS) esebinde aıtylǵandaı, aýrý epıdemıologııalyq zertteý aıasynda koronavırýs oshaǵy bolýy múmkin kúzen fermasy mańynda jabaıy janýardan tabylypty.
«Jabaıy kúzennen koronavırýs ınfeksııasy tabylǵany ras. Bul SARS-CoV-2 tirkelgen alǵashqy jabaıy janýar», delingen APHIS habarlamasynda.
Bul oqıǵa týraly aqparat Dúnıejúzilik janýarlardyń densaýlyǵyn qorǵaý uıymyna berilgendigi de atap ótildi. Sondaı-aq, APHIS ázirge COVID-19 rastalǵan jaǵdaılary bar kúzen fermalarynyń mańynda turatyn jabaıy popýlıasııada aınalym jasaıtyndyǵy týraly eshqandaı dálel joq.