Anglııanyń Stıvenıdj qalasynda «Shymkent - 2200 jyl gúldengen qala» atty kitap jaryqqa shyqty. Bul kitapty Stıvenıdj qalasynyń merııasy «Hertfordshire Press» brıtandyq baspa úıimen birlesip eki qalanyń baýyrlas qala bolyp tanylýyna 30 jyl tolýyna oraı jáne Shymkenttiń respýblıkalyq mańyzy bar qala mártebesin alýy men TMD elderiniń mádenı astanasy jylyna tartý retinde shyǵardy, dep habarlaıdy Egemen.kz
Búgin Shymkent qalasynyń tarıhy men mádenıeti jáne týrıstik kórikti jerleri týraly aqparat qamtylǵan kitaptyń online tusaýkeseri ótti. Tusaýkeser rásimine Shymkent qalasy ákiminiń orynbasary Maqsut Isahov, Stıvenıdj qalasynyń meri Braýn Djım, QR cyrtqy ister mınıstrligi halyqaralyq aqparat komıtetiniń tóraǵasy Asqar Ábdirahmanov, QR Ulybrıtanııa jáne Soltústik Irlandııa Birikken Koroldigindegi Elshiliginiń birinshi hatshysy Rústem Tajenov pen «Hertfordshire Press» baspa úıiniń dırektory Marat Ahmedjanov qatysty.
Osyǵan deıin de aǵylshyndyq Stıvenıdj qalasynyń merııasynda «Shymkent» holly ashylǵan bolatyn. О́z kezeginde, Shymkent qalasy ákimdiginiń jaýapty syıy retinde qalada qurylyp jatqan jańa «Týrıstik aqparattyq ortalyǵy» ǵımaratynda «Stıvenıdj» buryshynyń ashylýy, Shymkent jáne Stıvenıdj qalalary týraly birlesken kitap shyǵarý, navıgasııalyq kórsetkishter ornatý josparlanýda.
Hertfordshire Press - bul búkil álemdegi aǵylshyn tildi oqyrmandardy Eýrazııamen aımaq avtorlarynyń kitaptaryn, jýrnaldaryn, nusqaýlyqtaryn basyp shyǵarý jáne ádebı festıvalder men forýmdar ótkizý arqyly biriktiretin erekshe baspa. Baspa katalogynda 15 elden kelgen avtorlardyń 200-den astam týyndysy bar, al jalpy taralymy mıllıon danadan astam.