Baıqaýǵa densaýlyq saqtaý jáne aýrýlardyń aldyn alý, sondaı-aq densaýlyq pen medısınaǵa qatysty qyzyqty jáne mańyzdy aqparattardy qamtıtyn qazaq tilindegi jobalar nemese buryn jarııalanǵan materıaldar qabyldanady. Materıaldar qysqa ǵylymı-kópshilik maqala, shaǵyn beınerolık, komıks nemese ınfografıka formatynda bolýy tıis.
Bul syılyqty taǵaıyndaý krıterııleri retinde materıaldyń ózektiligi men paıdalylyǵy, jarııalanymnyń ǵylymı negizdiligi jáne anyqtyǵy, túpnusqa býyn jáne prezentasııa stıli; medısınalyq bilimi joq oqyrmandardyń túsinýine ońaı bolýy, taqyrybyn qamtý deńgeıi (saıttaǵy oqylym sany, áleýmettik jelilerdegi belsendilik, oqyrmandarmen qarym-qatynas), barlyq avtorlyq quqyqty saqtaý (plagıattyń bolmaýy) sııaqty talaptar atalǵan.
Aıta keteıik, akademık Tóregeldi Sharmanovtan taǵaıyndalǵan syılyq medısına men densaýlyqtyń ózekti taqyryby jaıynda qazaq tilinde ǵylymı-kópshilik maqalalar jazýshy barlyq qaýymǵa ár toqsan saıyn júrgiziledi.
Jazbasha materıaldaǵy kólem talaby - 1000-nan 4000-ǵa deıin baspa belgisi, al YouTube-tegi vıdeolar úshin talap - uzaqtyǵy 5 mınýtqa deıin ekeni aıtylady.
Bul syılyq medısına jáne densaýlyqqa qatysty ózekti málimetterdi barshaǵa, ásirese qazaq tildi oqyrmanǵa keńirek jetkizýge baǵyttalǵan. Atalmysh syılyq týraly, irikteýdiń negizgi talaptary, syılyqaqy mólsheri jáne ótinim berý merzimderi týraly tolyǵyraq aqparatty MYNA siltemeden ala alasyzdar.
Qosymsha suraqtar týyndaǵan jaǵdaıda kelesi nómirlerge habarlasýyńyzǵa: 8 701 555 87 43 nemese myna elektrondyq poshtaǵa jiberseńiz bolady: award@academypm.org.