Shymkent qalasynda úshem dúnıege keldi. 27 jastaǵy baqytty ana Gaýhar Narmetova qyz balalardy dúnıege ákeldi, dep habarlaıdy Egemen.kz
Qalalyq Densaýlyq saqtaý basqarmasynan málim etkendeı, bul, jyl basynan beri Shymkentte dúnıege kelgen altynshy úshem.
«Leıla, Leısan jáne Lýıza esimdi sábılerdiń qazirgi jaǵdaıy qalypty. Jas ana qarashanyń 25-si kúni 35 aptalyq kezinde ota tásilimen týdy. Operasııany Perınataldy ortalyqtyń bilikti akýsher-gınekology Saýle Dúısenbaeva jasady. Nárestelerdiń týǵandaǵy salmaqtary 1490-2490 gramm boldy», dedi basqarmadan.
Bosanǵan áıel men úshem 20 kún boıy qalalyq Perınataldy ortalyqta dárigerlerdiń baqylaýynda bolǵan. Densaýlyq jaǵdaılary jaqsarǵan soń, olar keshe úılerine shyǵaryldy.