Shymkent qalasynda agro-ındýstrıaldy aımaǵy jobasy aıasynda jylyjaı keshenin salý josparlanǵan. Qala aýmaǵynan 136 ga jer bólinip, búginde qurylys jumysy bastalǵan. Jobanyń tolyq iske qosylýy eki kezeńnen turady. Birinshi kezeńde 8 ınvestorǵa 30 ga jerge jylyjaı salý úshin 12 jylǵa jalǵa berildi. Al ekinshi kezeńde 60 ga jerge 20 jobany júzege asyrý josparlanǵan, dep habarlaıdy Egemen.kz
Shaharda iske asyrylatyn jobanyń biri - aýyl sharýashylyǵy ónimderin qaıta óńdeıtin «Bozaryq» tamaq ónerkásibi ındýstrıaldy aımaǵy.
Qaınar bulaq turǵyn alaby mańynda irgesi qalanyp otyrǵan aımaqta bıologııalyq qospalary bar qunarly qurama jem («Tengri World» JShS) jáne sút óndirý zaýytyn salý («Balmuzdaq»JShS)josparlanǵan. Sondaı-aq, shet el ınvestorlarymen birlese sút, et, jemis pen kókónisti qaıta óńdeıtin, konservileıtin jobalardy iske asyrý kózdelgen.
Sonymen qatar, Shymkentte jyl basynan beri qalada agro-ónerkásipti ınvestısııalaý jáne nesıelendirý jumysy tabysty júzege asyrylǵan. Bıyl osy salada jalpy quny 7,6 mlrd teńge bolǵan 18 ınvestısııalyq jobany iske asyrý josparlanyp, búgingi tańda jalpy ınvestısııa quny 5,3 mlrd teńgege 10 joba tolyǵymen iske qosyldy. Nátıjesinde aýyl sharýashylyǵy jáne tamaq ónimderin óndirýdegi negizgi kapıtalǵa 7,3 mlrd teńge ınvestısııa tartylyp, ótken jyldyń 11 aıymen qalystyrǵanda 3,0 mlrd teńgege ósken.