Sońǵy úsh jylda oblysqa 721 qandasymyz kóship keldi. Bul týraly О́ńirlik kommýnıkasııalar qyzmetiniń aqparattyq alańynda Qyzylorda OPD Kóshi-qon polısııa basqarmasy bastyǵynyń mindetin atqarýshy Saǵyndyq Qamıtbekov málimdedi, dep habarlaıdy Egemen.kz
О́tken jyly «Halyqtyń kóshi-qony týraly» Zańyna ózgertýler men tolyqtyrýlar engizildi. Iаǵnı, qandastardyń azamattyq alý merzimi qysqartyldy. Qazir kóshi-qon qyzmeti salasynda 12 memlekettik qyzmet kórsetilýde, onyń 75% elektrondy. Jyl sońyna deıin 90 paıyzǵa jetkizilmek. Jalpy, bıyl 96 myń 640 memlekettik qyzmet kórsetildi.
- О́zderińiz biletindeı, pandemııaǵa baılanysty oblys aýmaǵyna búgingi kúnge sheteldikterdiń kelýi azaıdy. Qazirgi tańda kóshi-qon qyzmeti salasymen oblys aýmaǵyna túrli maqsattarmen 2 myń 964 shetel azamaty ýaqytsha tirkeýge alyndy. О́tken jyly 25 myńnan astam ózge eldiń azamaty kelgen bolatyn. Jyl basynan eńbekshi kóship kelýshiler sheteldikterge barlyǵy 6 myń 507 ruqsat rásimdelip, jergilikti bıýdjetke 92 mln astam teńge salyq tústi, - dedi Saǵyndyq Ýbaıdýllauly.
Budan bólek, halyqty qujattandyrý máseleleri boıynsha Memlekettik qyzmet kórsetý úshin qajetti sharalar jalǵasýda. Múmkindigi shekteýli jáne zeınetkerlik jastaǵy adamdardy, kóp balaly analardy, múgedekterdi qujattandyrý úshin kóshi-qon qyzmetiniń jáne HQKO-nyń arnaıy turǵylyqty jeri boıynsha úılerine baratyn mobıldi toptyń jumysy uıymdastyrylǵan. Mobıldi toptarmen barlyǵy 2 myń 500-den astam turǵynnyń qujaty ázirlendi.