Almaty oblysynda «Qapal-Arasan» joly boran saldarynan jabyldy, dep habarlaıdy Egemen.kz
Almaty oblysynyń Jolaýshylar kóligi jáne avtomobıl joldary basqarmasy habarlaýy boıynsha, 20 jeltoqsan kúngi saǵat 19:15-ten bastap aýa raıynyń nasharlaýyna baılanysty (boran, joldyń nashar kórinýi) «Almaty-О́skemen a/j – Qapal-Arasan shıpajaıy» oblystyq mańyzy bar avtojoldyń 0-45 shaqyrymynda barlyq kólikterge jol jabyldy.
«Almaty oblysynyń TJD azamattardan osy baǵyttaǵy sapardan bas tartýdy jáne 112 qyzmeti beretin SMS habarlamalardy nazardan tys qaldyrmaýdy suraıdy» delingen Almaty oblystyq TJ baspasóz qyzmetiniń taratqan habarlamasynda.
Vedomstvonyń ókilderi alys jolǵa shyqqan kezde aýa raıy boljamymen tanysyp, tótenshe jaǵdaıǵa qajetti barlyq zattardy ózińizben birge alyp júrý keregin eskertedi.