Jyl basynan beri BJZQ salymshylarynyń zeınetaqy jınaqtary 2 trln teńgege artty, dep habarlaıdy Egemen.kz
2020 jyldyń 1 jeltoqsanynda Biryńǵaı jınaqtaýshy zeınetaqy qory salymshylarynyń shottarynda 12,7 trıllıon teńge somasynda zeınetaqy jınaqtary qalyptasty.
Jyl basynan beri 1,9 trln teńgege nemese 18%-ǵa artty. Zeınetaqy jınaqtarynyń negizgi somasy mindetti zeınetaqy jarnalary (MZJ) esebinen jınaqtaldy, onyń mólsheri 12,4 trln teńge. 2020 jyldyń 1 qańtarynan bastap 1 jeltoqsanǵa deıingi kezeń ishinde BJZQ salymshylarynyń shottaryna 1,13 trln teńge taza ınvestısııalyq tabys esepteldi. Bul 2019 jyldyń sáıkes kezeńimen salystyrǵanda 531 mlrd teńgege (ósim 88%) artyq.
Jeke zeınetaqy shottarynyń sany 2020 jyldyń 1 jeltoqsanynda 11,6 mln birlikti qurady. 2020 jyldyń basynan beri salymshylardyń shottaryna jalpy kólemi 958,8 mlrd teńge zeınetaqy jarnalary aýdarylǵan, ol 2019 jyldyń 11 aıyndaǵy kórsetkishten 75,8 mlrd teńgege nemese 9% asyp tústi.