Tarazdaǵy eki boıjetken saýda-oıyn-saýyq ortalyǵynan kúrteshe urlap ketken, dep habarlady Polisia.kz.
Polısııanyń habarlaýynsha, 19 jeltoqsanda polısııa bólimine Tóle bı kóshesinde ornalasqan "Mart" saýda-oıyn-saýyq ortalyǵynan belgisiz qyzdardyń quny 39 250 teńge turatyn áıelder kúrteshesin urlap ketkeni týraly aryz kelip tústi.
Taraz qalasynyń PB-1 krımınaldyq polısııa bólimshesiniń qyzmetkerleri osy býtıktiń beınebaqylaý kamerasyna túsirilgen qyzdardy "izin sýytpaı" ustady.
Olar 22 jáne 23 jastaǵy buryn sottalǵan qala turǵyndary bolyp shyqty.
Qyzdar kinásin tolyq moıyndady. Urlanǵan kıim dúkenniń ıesine qaıtaryldy.
Atalǵan fakti boıynsha QR QK 188-baby 2-bóligi "urlyq" boıynsha sotqa deıingi tergeý bastaldy. Qazirgi ýaqytta kúdiktilerge qatysty tergeý sharalary júrgizilip jatyr.