Almatyda InterContinental qonaq úıinde bolǵan qyz balanyń ólimine qatysty Ulybrıtanııa azamaty Barakata Mohamedke sot úkimi shyqty, dep habarlaıdy Egemen.kz
Sot ony QR QK 99-babynyń 3-bólimimen aıypty dep taýyp 20 jylǵa bas bostandyǵynan aıyrdy.
Sonymen qatar, ol 5 jylǵa Qazaqstan Respýblıkasy terrıtorııasynan alastatylady. Sottalýshy jazasyn qaýipsizdigi barynsha joǵary qylmystyq atqarý júıesi mekemesinde óteıtin bolady.
Aıta ketý kerek, oqıǵa 2019 jyly 24 qazanda bolǵan edi. Almatydaǵy InterContinental qonaq úıinde 1,5 jastaǵy Sofııa Barakat esimdi qyz bala kóz jumǵan bolatyn.
Polısııa kúdikti retinde onyń ákesi Barakat Mohammedti ustady. Bıyl jazda atalǵan oqıǵaǵa baılanysty sot bastaldy.
Aıyptaý aktisine baılanysty Barakat Mohammed sheteldik áýe kompanııasynda ushqysh bolyp istegen. 22 jastaǵy Qazaqstan azamatshasyna úılengen. Bala qaıtys bolatyn kúni ol esirtki shegip, araq ishken.