О́skemen qalasynda Gematologııa ortalyǵy salynady, dep habarlaıdy Egemen.kz
ShQO ákimi baspasóz qyzmetiniń málimetine súıensek, óńirde aldaǵy ýaqytta Gematologııa ortalyǵy boı kóteredi. Qazirde ortalyqqa medısınalyq mamandardy daıyndaý máselesi qarastyrylýda.
«О́skemende elimizdegi alǵashqy Gematologııa ortalyǵynyń qurylysy bastalǵan. Oblystyq Densaýlyq saqtaý basqarmasy bir aı ishinde shtattyq keste ázirleýi qajet. Bizdiń maqsatymyz – dárigerler men medbıkelerdi jilik maıyn transplantasııalaý, transfýzıologııa jáne gematologııa baǵyttary boıynsha alys jáne jaqyn shetelderdiń jetekshi klınıkalarynda oqytý», dedi aımaq basshysy Danıal Ahmetov.
Jobaǵa sáıkes atalǵan ortalyqta gematologııa, jilik maıyn transplantasııalaý bólimi, sondaı-aq IGH patomorfologııasy, transfýzıologııa jáne KDZ zerthanalyq toby, PTR, FISh, genetıka zerttehanalary jumys isteıdi dep josparlanýda.