Sońǵy eki jylda 4 myńnan astam áskerı qyzmetshi baspana baǵdarlamalarymen úı aldy. Bul týraly QR Qorǵanys mınıstri Nurlan Ermekbaev aıyp berdi, dep habarlaıdy Egemen.kz
«Áskerı qyzmetshilerdiń turǵyn úı máselesi sheshilip jatyr. 2018 jyldan bastap jeńildetilgen ıpotekalyq kredıtteý arqyly turǵyn úı baǵdarlamalary boıynsha 4 myńnan astam áskerı qyzmetshi baspana aldy. Qarýly Kúshterde nysandardyń úlken ınfraqurylymy jumys isteıdi. Qorǵanys vedomstvosy áskerı bólimder men qalashyqtar aýmaǵyndaǵy ǵımarattardy kúrdeli jáne aǵymdaǵy jóndeý júrgizip jatyr. Olardyń basym bóligi ótken ǵasyrdyń 60-70 jyldary salynǵan», dedi Nurlan Ermekbaev Ortalyq kommýnıkasııalar qyzmetinde ótken brıfıngte.
Mınıstrdiń aıtýynsha, 2020 jyly 600-den astam nysanǵa josparly jóndeý júrgizildi, bul kórsetkish ótken jylǵydan 1,5 esege joǵary. 30 nysan kúrdeli jóndeýden ótken. «Kazarmalyq-turǵyn úı qorynyń da jańa nysandary salynýda, onyń ishinde jeńil modýldik konstrýksııalardan: kazarmalar, ashanalar, qoımalar, oqý jáne sport keshenderi turǵyzylýda. Bıyl osyndaı 56 ǵımarat salyndy», dedi mınıstr.