Oralda eki jastyń nekesi túzetý mekemesinde qıyldy, dep habarlaıdy Egemen.kz
Neke qııý rásimi Batys Qazaqstan oblystyq Qylmystyq-atqarý júıesi departamentiniń RÝ-170/3 mekemesinde ótti. Jazasyn ótep jatqan kúıeý jigit qalyńdyǵynyń túzetý mekemesi qabyrǵasynda nekelerin qııýǵa kelisim bergenine erekshe qýanyshty. Ol endi súıgeniniń senimin aqtap, merziminen buryn bosap shyǵý úshin tártipke basa mán bermekshi.
RÝ-170/3 mekemesiniń bastyǵy Ertaı Shákenov jas jubaılardy ómirlerindegi asa mańyzdy oqıǵamen quttyqtap, aldaǵy ýaqytta jarasymdy ǵumyr keshýlerine tilektestigin bildirdi.
«Neke qııý – jańa ómirdiń bastamasy, jas otbasynyń negizi qalandy. Bolashaqta erkindikke shyqqannan keıin zaıyby erin qoldap, qoǵamǵa tez beıimdelýine kómektesedi, sábıli bolyp, baqytqa bólenedi dep senemiz», dedi E.Shákenov.