«Ońtústik» ındýstrııaldy aımaǵynda ornalasqan kásiporyn jylyna 12 000 tonna qara qorǵasyn jáne 1 600 tonna qara mys óndirýge qaýqarly, dep jazady Egemen.kz Shymkent qalasy ákimdiginiń baspasóz qyzmetine silteme jasap.
«Shymkent Smeltıng» JShS-gi qorǵasyn jáne mys ónimderin óndirýmen qatar tústi metall men armatýra óndirisiniń tehnologııalyq jelisi bar.
О́ndiris oshaǵyndaǵy Qytaı tehnologııasymen jabdyqtalǵan peshter metaldardy óndirýde ekologııaǵa zııandy qaldyqtardy shyǵarmaıdy. Jobanyń jalpy quny 2 mlrd teńgeni quraıdy. Búgingi tańda 200 adamdy jumyspen qamtyp otyrǵan zaýyt qorǵasyn ónimin О́skemen qalasyna, al, qara mysty Reseı eline jóneltedi.
«Ońtústik» ındýstrııaldy aımaǵy 2010 jyly qurylǵan. Bul respýblıkanyń eń alǵashqy ónerkásiptik alańy. Jalpy aýdany 337 gektardy quraıdy. Portfolıosy shamamen 90 mlrd teńgeni quraıtyn 87 jobadan turady. 7300 adam jumys isteıdi.
Aıta keteıik, jalpy qala aýmaǵynda 2020 jylǵa josparlanǵan 21 jobanyń búgingi kúnge deıin quny 17,4 mlrd. teńge bolatyn 17 joba iske qosylǵan. Onda 725 jańa jumys orny qurylǵan. Al, qalǵan tórt joba jyl sońyna deıin iske qosylatyn bolady.