Shymkent qalalyq №1 klınıkalyq aýrýhanada naýqasqa búırek transplantasııasy jasaldy. Týystyq transplantasııa jasalǵan 1972 jylǵy qala turǵyny bir jyldan beri búırek jetispeýshiligi dıagnozymen esepte turady. Densaýlyq jaǵdaıy nasharlaǵan naýqas gemodıalız apparatyna qosylǵan, dep habarlaıdy Egemen.kz
Búıreginde aqaýy bar 48 jastaǵy azamatqa qaryndasy donor boldy. Dárigerler 1986 jylǵy azamatshanyń bir búıregin hırýrgııalyq jolmen alyp, aǵasyna sátti qondyrdy. Tórt saǵatqa jýyq jasalǵan ota sátti shyqty deıdi dárigerler.
Aıta keteıik, búgingi tańda qalada búırek jetispeýshiligi dıagnozymen 800 naýqas kezekte tur. Bıyl karantınge baılanysty transplantasııa toqtatylǵan edi. Tek qyrkúıek aıynan bastap qaıta jalǵasyp, qazirgi tańǵa deıin 6 naýqasqa ota jasaldy.
Jalpy, Shymkent qalalyq klınıkalyq aýrýhanada transplantasııa qyzmeti qarqyndy damyp keledi. 2013 jyldan beri munda 166 búırek almastyrý operasııasy jasalǵan.