Almaty oblysy ákiminiń ókimimen Ǵalıasqar Tólendiuly Sarybaev Kerbulaq aýdanynyń ákimi bolyp taǵaıyndaldy, dep habarlaıdy
Ǵalıasqar Sarybaev 1963 jyly týǵan. Kırov atyndaǵy Qazaq memlekettik ýnıversıtetin, Qazaq eńbek jáne áleýmettik qatynastar akademııasyn bitirgen. Mamandyǵy boıynsha mehanık, zańger. Eńbek jolyn Pavlodar zaýytynda ınjener-konstrýktor bolyp bastaǵan.
Ár jyldary Kerbulaq aýdandyq komsomol komıtetiniń bólim meńgerýshisi, Gvardııa jáne Kerbulaq aýdandyq komsomol komıtetiniń birinshi hatshysy, Y. Altynsarın atyndaǵy orta mekteptiń dırektory, Kerbulaq aýdandyq jastar isi, týrızm jáne sport basqarmasynyń basshysy, Kerbulaq aýdany ákimi apparatynyń uıymdastyrý jáne kadr jumysy bóliminiń bas mamany, bólim meńgerýshi, «Otan» qoǵamdyq uıymynyń Ortalyq keńesi tóraǵasynyń orynbasary, Almaty oblysynyń qoǵamdyq kelisim jáne aqparat basqarmasynyń bólim bastyǵy, ishki saıasat basqarmasy bastyǵynyń orynbasary, Taldyqorǵan qalasy ákiminiń orynbasary, oblystyq ishki saıasat basqarmasynyń bastyǵy, «Nur Otan» partııasy Almaty oblystyq fılıaly tóraǵasynyń birinshi orynbasary, Almaty oblysy ákiminiń keńesshisi, oblys ákimi apparatynyń ádep jónindegi ýákili qyzmetterin atqardy.
2020 jyldyń qyrkúıeginen – oblystyq ishki saıasat basqarmasynyń basshysy boldy.