Osydan on kún buryn, 13 jeltoqsanda Maqan Esbolatov atyndaǵy IIM Almaty akademııasynyń 3 kýrs kýrsanty Salamat О́tegenovtyń akademııa ashanasynda ózine qol salǵany týraly habar tarap edi. Keıinnen 19 jastaǵy jigittiń qaıtys bolar aldynda úı-ishinen 300 myń teńge kóleminde qarajat suraǵany, ol somany taýyp bermese Salamattyń ómirine qaýip tónip turǵany týraly da derek shyqty. Bul týraly marqumnyń anasy málimdedi, dep habarlaıdy Egemen.kz
BQO, Aqjaıyq aýdanynyń týmasy Salamat О́tegenovtiń qaza tabýy kúdikti is otandyq BAQ-ta tez tarap, qoǵamnyń talqysyna tústi. Osyǵan baılanysty Ishki ister mınıstrliginiń baspasóz qyzmeti resmı málimdeme jasap otyr.
Resmı aqparatta Almaty qalasynyń Polısııa departamenti QR QK-niń 105-baby (óz-ózine qol jumsaýǵa jetkizý) boıynsha sotqa deıingi tergeý júrgizýde. Tergeý barysynda qaza tapqan adamnyń týystary baıandaǵan barlyq dálelder tekseriletini aıtylǵan.
Sondaı-aq oqý ornyna Ishki ister mınıstrliginiń Kadr saıasaty jáne ózindik qaýipsizdik departamentteriniń basshylyǵy men jaýapty qyzmetkerlerinen arnaıy top jiberildi. Tekserý qorytyndysy boıynsha IIM-de tártiptik komıssııa ótti.
Tekserý jumystary Akademııa bastyǵy O.H.Smaıylovtan da aınalyp ótken joq. О́zine senip tapsyrylǵan bólimshede jumysty uıymdastyrýǵa tıisti baqylaý júrgizbegendikten Ishki ister mınıstriniń buıryǵymen atqaryp otyrǵan laýazymynan bosatyldy.
Qaıǵyly jaǵdaıǵa jol bergen Smaıylovtyń ıdeologııalyq tárbıe jáne kadr jumysyna jetekshilik etetin orynbasaryn da qyzmetinen bosatý usynyldy.
«Sonymen qatar, Akademııanyń taǵy 16 jaýapty qyzmetkeri qatań tártiptik jaýapkershilikke tartyldy, olardyń 5-ýi atqaryp otyrǵan laýazymdarynan bosatyldy. Akademııanyń oqý prosesine, turmystyq jaǵdaılaryna, moraldyq-psıhologııalyq ahýalyna, qarjy-sharýashylyq qyzmetine keshendi tekserý taǵaıyndaldy. Oqý ornyna Mınıstrliktiń Ishki aýdıt, Kadr saıasaty jáne О́zindik qaýipsizdik departamentteriniń qyzmetkerleri jiberildi», delingen málimdemede.
Mınıstr Erlan Turǵymbaevtyń tapsyrmasy boıynsha osyndaı tekserýler 2021 jyldyń 1 toqsanynda IIM-niń barlyq oqý oryndarynda júrgiziledi.