Kásipqoı bokstan 2021 jyly ótedi dep josparlanǵan qaı básekeler jankúıerler tarapynan erekshe qyzyǵýshylyqqa ıe? Osy saýalǵa baılanysty Badlefthook.com portaly saraptama júrgizdi.
Kópshilik taǵatsyzdana kútken jekpe-jekter arasynda qazaqstandyq Gennadıı Golovkın men meksıkalyq Saýl Alvarestiń trılogııasy bar. Buǵan deıin olar eki márte kúsh synasyp, alǵashqy kezdesý teń aıaqtalsa, ekinshisinde «Kanelo» upaı sanymen basym túsken edi. Birden aıta keteıik, orta salmaqta qarsylas shaq keltirmeı júrgen qos sańlaqtyń aıqasy álemniń ár qıyryndaǵy mıllıondaǵan jankúıerdiń aıryqsha qyzyǵýshylyǵyn týdyrdy. Jarnamalar men túrli arnalardaǵy translıasııalardan túsken tabys mol boldy. Sonyń arqasynda jarysty uıymdastyrýshylar, boksshylar jáne de osy sharaǵa qatysy bar adamdardyń barlyǵy da baılyqqa belshesinen batty. Mine, endi olar GGG men «Kanelonyń» qaıta judyryqtasqanyn qalaıdy.
Sonymen qatar kórermender erekshe qyzyǵýshylyq tanytyp otyrǵandar qatarynda myna jekpe-jekter bar: Taıson Fıýrı – Entonı Djoshýa, Errol Spens – Terens Kroýford, Teofımo Lopes – Devın Heını, Djosh Teılor – Hose Karlos Ramıres, Hýangon Fransısko Estrada – Roman Gonsales, Naoıa Inoýe – Mýrodjon Ahmadalıev, Artýr Beterbıev – Dmıtrıı Bıvol, Kenshıro Teraıı – Hıroto Kıogýchı jáne Maırıs Brıedıs – Ilýnga Makabý.