Qaraǵandy oblysynyń turǵyndaryna kommýnaldyq qyzmetter úshin 3,1 mlrd teńgeden astam qarajat qaıtarylady. Atalǵan qarjyny tabıǵı monopolııa sýbektileri tarıf arqyly jınaǵanymen, josparlanǵan jumystar men shyǵyndarǵa tolyq paıdalanylmaǵan, dep habarlaıdy Egemen.kz.
Qaraǵandy oblysy boıynsha Tabıǵı monopolııalardy retteý komıteti departamenti 2024 jylǵa arnalǵan esepterdi taldaý qorytyndysyn jarııalady.
Departament mamandary 73 tabıǵı monopolııa sýbektisi usynǵan 200 esepti zerdelegen. Onyń ishinde tarıftik smetalardyń oryndalýy men ınvestısııalyq baǵdarlamalardyń júzege asyrylýyna qatysty qujattar bar.
Taldaý nátıjesinde 18 tabıǵı monopolııa sýbektisi bekitilgen tarıftik smetalarda qarastyrylǵan jumystar men shyǵyndardy tolyq oryndamaǵany anyqtalǵan.
Qoldanystaǵy zańnamaǵa sáıkes, mundaı jaǵdaıda tutynýshylarǵa qarajatty qaıtarý úshin ótemdik tarıf engiziledi. Osy tetik arqyly oblys turǵyndaryna Ulttyq banktiń qaıta qarjylandyrý mólsherlemesi eskerile otyryp, 3,1 mlrd teńge qaıtarylady.
О́temdik tarıfter 2026 jylǵy 1 qańtardan 2027 jylǵy 1 naýryzǵa deıin qoldanylady.
Shymkenttiń kommýnaldyq qyzmeti sheteldik kompanııaǵa berile me?
Qarajat qalaı bólinedi?Qaıtarylatyn qarajat kommýnaldyq qyzmet túrleri boıynsha mynadaı kólemde bólinedi:
− sýmen jabdyqtaý jáne sý burý qyzmetteri – 2,27 mlrd teńge;− elektr energııasyn jetkizý qyzmetteri – 669,6 mln teńge;− jylýmen jabdyqtaý qyzmetteri – 107,7 mln teńge;− kirme joldar qyzmetteri – 3,7 mln teńge;− gazben jabdyqtaý qyzmetteri – 55,6 mln teńge.
Mamandardyń aıtýynsha, bul shara tarıf arqyly jınalǵan, biraq josparlanǵan baǵyttarǵa jumsalmaǵan qarajatty tutynýshylarǵa qaıtarýǵa múmkindik beredi.
Departament ókilderi tarıftik smetalar men ınvestısııalyq baǵdarlamalardyń oryndalýyn baqylaý jumystary aldaǵy ýaqytta da jalǵasatynyn málimdedi.
Almatyda kommýnaldyq qyzmetkerlerdiń eńbekaqysy eki ese artty