AQSh prezıdenti Donald Tramp 9 naýryzda Reseı prezıdenti Vladımır Pýtınmen telefon arqyly sóılesip, Iranǵa qarsy áskerı operasııany talqylaǵanyn málimdedi, dep habarlaıdy Egemen.kz.
AQSh prezıdenti sóılesý oń sıpatta ótkenin atap ótti. Tramptyń aıtýynsha, olar Ýkraına men Taıaý Shyǵystaǵy ahýaldy talqylaǵan. Pýtın AQSh-tyń Irandaǵy áskerı operasııasyna tańdanys bildirip, buryn-sońdy mundaıdy kórmegenin aıtqan.
Donald Tramp Iranǵa shabýyl jasaýdyń sebepterin atady
Sondaı-aq Reseı prezıdentiniń kómekshisi Iýrıı Ýshakov ta 9 naýryzda Pýtın men Tramp arasyndaǵy telefon áńgimesi týraly habarlady. Bul áńgimeniń negizgi bólimi Irandaǵy jaǵdaıǵa jáne Ýkraınadaǵy qaqtyǵysty retteý jónindegi kelissózderge arnalǵanyn málimdedi.
Áńgime barysynda Tramp Ýkraınadaǵy jaǵdaı boıynsha «tezirek atysty toqtatý jáne uzaq merzimdi beıbit sheshimge qol jetkizýge» múddeli ekenin jetkizgen. О́z kezeginde Pýtın AQSh-tyń deldaldyq áreketterin oń baǵalaǵan.
Ýshakovtyń aıtýynsha, Pýtın Trampqa Taıaý Shyǵystaǵy qaqtyǵysty retteý jónindegi oılary men óńir lıderlerimen ótken kezdesýlerdiń qorytyndysyn jetkizgen. Bir saǵatqa sozylǵan qurylymdy áńgime barysynda taraptar turaqty baılanys ornatýǵa kelisken.
Tramp Irannyń kelesi kóshbasshysyn tańdaýǵa qatysqysy keletinin aıtty