Shymkent qalasynda «Sıfrly Qazaqstan» baǵdarlamasyna sáıkes, shalǵaıdaǵy eldimekenderdi joǵary sapaly ınternetpen qamtý maqsatynda qarqyndy jumystar júrgizilýde. Sapaly ınternetpen qamtý qala ákiminiń jiti qadaǵalaýynda turǵan másele.
Qalalyq sıfrlandyrý basqarmasy tarapynan baılanys sapasyn arttyrý úshin taldaý jumystary júrgizilip, ınternet jyldamdyǵy tómen birqatar shaǵynaýdan men turǵyn alaptar anyqtaldy.
Osyǵan oraı Qarataý aýdanyna qarasty «Soltústik-Batys» shaǵynaýdanynda bazalyq stansııa ornatý jumystary qolǵa alynǵan edi. Sapaly ınternetpen qamtýǵa qajetti qurylǵynyń barlyǵy alynyp, montajdaý jumystary bastaldy. Mobıldi operatorlardyń WCDMA(3G) jáne LTE (4G) tehnologııalar arqyly jumys jasaıtyn bazalyq stansııalaryn ornatý úshin arnaıy antennalar qoıyldy.
Sıfrlandyrý basqarmasynyń málimetinshe, apta sońyna deıin turǵyndar sapaly ınternetpen qamtamasyz etiledi.