Elordada 35 jastaǵy áıeldiń isi qaralýda, dep habarlaıdy Egemen.kz tilshisi qalalyq polısııa departamentiniń baspasóz qyzmetine silteme jasap.
«23 jeltoqsanda saǵat 21.20 shamasynda polısııaǵa elorda turǵyndarynyń birinen habarlama tústi. Ol óziniń kórshisi 6 jastaǵy uly men 8 jastaǵy qyzyn sabap, syrtqa qýyp jibergenin aıtqan», delingen habarlamada.
Polısııa qyzmetkerleri osy oqıǵaǵa qatysty 35 jastaǵy áıelden jaýap alǵan. Ol osyndaı amalmen kórshilerdiń kir qystyrǵyshyn ruqsatsyz alyp, oınaǵan balalaryn jazalaǵanyn aıtqan.
Nur-Sultan qalasynyń polısııa departamenti atalmysh otbasyn arnaıy esepke tirkedi. Qazir quqyq qorǵaýshylar istiń mán-jaıyn jan-jaqty zertteýde. Zertteý qorytyndysy boıynsha balalardyń zańdy ókiline qatysty sheshim qabyldanady.