Memlekettik qyzmet kórsetý - bul elimizdiń áleýmettik-ekonomıkalyq damýynyń negizgi kórsetkishi. Prezıdent Q.Toqaevtyń memlekettik kórsetiletin qyzmetter sapasyn arttyrýdy, ol úshin usynylatyn qyzmetterdi meılinshe elektrondy formatqa kóshirý jónindegi tapsyrmasy Shymkent qalasynda tolyǵymen júzege asyp otyr, dep habarlaıdy Egemen.kz
Shymkent qalasy ákimdigimen 2019 jyly barlyǵy 181 qyzmet túri usynylsa, bıyl usynylatyn qyzmetter sany 165-ti qurap otyr. Sebebi, halyqqa qolaıly ári jeńil bolýy úshin birqatar qyzmet túrleri ońtaılandyryldy.
Búgingi kúni Shymkent qalasynyń ákimdigimen 165 memlekettik qyzmet túri usynylsa, onyń 146 qyzmeti bekitilgen Tizilimge sáıkes «Elektrondyq úkimettiń» portalynda, 10 qyzmet qala ákimdigimen avtomattandyrylyp, elektrondy formatqa ótken qyzmetter sany 156 boldy. Bul 95 paıyzdy qurap otyr.
Máselen, bıyl qańtar-qarasha aılarynda Shymkent qalasynyń ákimdigimen 4,9 mln. qyzmet kórsetilse, onyń 4,4 mln. qyzmeti nemese 90% elektrondy túrde kórsetilgen.