«Qazaqstan» teleradıokorporasııasynyń uly Abaıdyń 175 jyldyǵyna arnap túsirgen «Abaı» tarıhı telehıkaıasy Túrkııada kórsetilmek, dep habarlaıdy Egemen.kz
Telearna málimetinshe, Túrkııanyń memlekettik «TRT» teleradıokorporasııasy óz arnalarynda «Abaı» telehıkaıasyn kórsetýge qyzyǵýshylyq tanytqan. Qazir eki arna arasynda kelisim jasalýda. ⠀
«Sonymen birge serıalǵa TMD-daǵy eń úzdik onlaın-kınoteatr sanalatyn IVI.RU platformasy qyzyǵýshylyq bildirip otyr. Qazirgi ýaqytta kelissózder júrgizilýde», dedi teleradıokorporasııanyń baspasóz qyzmetinen.
6 bólimdi telehıkaıa aǵylshyn jáne orys tildirine de aýdarylyp jatyr. «Abaı» telehıkaıasy Muhtar Áýezovtiń «Abaı joly» roman-epopeıasyndaǵy negizgi oqıǵalardy arqaý ete otyryp, Abaı ómir súrgen kezeńdi beıneleıdi. Týyndynyń rejısseri – Murat Bıdosov.
Telehıkaıaǵa jazýshy-dramatýrg Dýlat Isabekov keńesshilik etti. Basty róldi QR Eńbek sińirgen qaıratkeri Bolat Ábdilmanov somdady.