2020 jylǵy 22 jeltoqsanda shekarashylar «Jibek Joly» avtomobıl ótkizý pýnktinde (Túrkistan oblysy) «Nano» atty qyzmettik ıtti paıdalana otyryp shekaralyq baqylaýdy júzege asyrý kezinde О́zbekstan Respýblıkasynyń azamatyn esirtki zattaryn tasymaldaýǵa áreket jasaǵany úshin ustady, dep habarlaıdy Egemen.kz QR UQK baspasóz qyzmetine silteme jasap.
Shekaralyq narıad quramynyń is-qımyly nátıjesinde qyzmettik ıt osy azamattyń sómkesine belgi berdi, jeke tekserý kezinde sómkede shekaralyq baqylaýdan jasyrylǵan qyrynýǵa arnalǵan gel tútigindegi esirtki zaty anyqtaldy.
Júrgizilgen saraptama nátıjesinde salmaǵy 43,2878 gr «keptirilgen marıhýana» esirtki zaty anyqtaldy.
Joǵaryda atalǵan azamat pen esirtki zattar Túrkistan oblysy Saryaǵash aýdanynyń aýdandyq polısııa bólimine tapsyryldy. Prosestik áreketter júrgizilýde.
UQK Shekara qyzmetiniń aýmaqtyq bólimsheleri esirtki zattaryn tasymaldaýǵa jol bermeý maqsatynda ótkizý pýnktterinde baqylaýdy kúsheıtýge baǵdarlanǵan.