Qyzylordada memlekettik organdar Jańa jyl merekesin ujymdyq toılaýdan bas tartqany jón. Bul týraly óńirlik kommýnıkasııalar qyzmetinde ótken brıfıngte oblys boıynsha memlekettik qyzmet isteri departamenti basshysynyń orynbasary Berikbol Baıhojaev habarlady, dep habarlaıdy Egemen.kz
Departament basshysynyń orynbasary bul karantın talabyn saqtaý úshin qabyldanǵan sheshim ekendigin basa aıtty. Shekteý talaptaryn saqtamaǵan memlekettik qyzmetshilerge shara kóriletindigin eskertti.
Sondaı-aq, ózgeris engizilgen zańnamaǵa sáıkes, endi memlekettik qyzmetshilerdiń otbasy múshelerine de syılyq alýǵa bolmaıdy. Memlekettik qyzmetshige jáne onyń otbasy múshelerine kelip túsken barlyq syılyqtar 7 kún ishinde Memlekettik múlik jáne jekeshelendirý komıtetine jáne onyń aýmaqtyq organdaryna tapsyrylýy tıis.