Belgili jazýshy Aleksandr Bektiń áıgili Baýyrjan Momyshuly jóninde tolǵaǵan «Volokolamsk tas joly» kitabynyń alǵy sózin jazǵan áskerı ǵalym, otstavkadaǵy polkovnık Kım Serikbaıuly: «Mynaý soǵys jyldarynyń qezinde Volokolamsk tas jolynyń batyrlary týraly alǵashqy áńgimeler «Znamıa» jýrnalynda jarııalaǵandyǵy belgili.
Jýrnaldar maıdanda da, tylda da ábden tozyǵy jetkenshe oqyldy. Kóptegen elderde bul kitap áskerı oqý oryndarynyń stýdentterine mindetti túrde oqytylady. Ony qazir de oqyp, dáıeksóz keltirýde, al Kýbada, Izraılde jáne basqa da elderde áskerı oqý oryndarynyń túlekteri bul kitapty dıplommen birge alady», dep jazǵany bar.
О́zge memleketter áskerı oqý ornyn bitirgen kýrsanttaryna qazaqtan shyqqan dańqty batyr týraly kitapty ardaqtap usynyp jatsa, batyrdyń týǵan elinde de áskerı bólimniń qurylǵanyna 89 jyl tolýyna oraı 26 jeltoqsanda shekarashy kýrsanttarǵa osy kitap saltanatty túrde tapsyryldy.
– Ǵasyrǵa jýyq tarıhy bar UQK Shekara akademııasynyń aldynda maıor Qanat Berdiqulov jetekshilik etetin 4-oqý dıvızıonynyń 200-den astam kýrsanty saltanatty túrde sap túzedi. Ár kýrsantqa bir-bir danadan úlestirilgen kitaptyń alǵashqy betinde akademııa bastyǵynyń shaǵyn ǵana jazǵan esteligi bar, – deıdi akademııanyń baspasóz hatshysy Janat Jabyrbekov.
Iá, «Volokolamsk tas joly» kitaby álemdik ádebıette óziniń laıyqty ornyn aldy. Bul árqashan derekti-kórkem jáne zııatkerlik qundylyq bolyp qala beredi. Bul zańdy da, óıtkeni aqıqat pen ádildik árqashan tarıhpen jáne bolashaqpen birge júredi.