2020 jyly «Samuryq-Qazyna» kompanııalar toby qyzmetkerleriniń qatysýymen 1200-den astam áleýmettik aksııa ótkizildi. Qorda volonterler jylynyń nátıjeleri men «Úzdik volonter» konkýrsynyń qorytyndylary jarııalandy, dep habarlaıdy Egemen.kz.
Esterińizge sala keteıik, volonterlikti damytý maqsatynda Qazaqstan Prezıdenti Qasymjomart Toqaev 2020 jyldy volonter jyly dep jarııalaǵan bolatyn.
«Úzdik volonter» baıqaýy aıasynda «Úzdik korporatıvtik volonter», «Úzdik volonterlik komanda» jáne «Úzdik volonterlik joba» nomınasııalarynyń jeńimpazdary anyqtaldy.
Qor kompanııalary toby qyzmetkerleriniń barlyǵy 87 volonterlik bastamasy qaraldy. Olardyń ishinde 13 joba fınalǵa ótti.
«Úzdik korporatıvtik volonter» nomınasııasynda 1 oryndy «О́zenMunaıServıs» Seıdov Orynbasar ıelendi, ol 93 pandýs ornatty, 50-den astam shaǵyn otbasyn azyq-túlik sebetterimen qamtamasyz etti, pandemııa kezinde 2000-nan astam betperde taratyp, medısına qyzmetkerlerin ystyq tamaqpen qamtamasyz etti jáne taǵy da basqa ıgi is-sharalar ótkizdi.
«Úzdik volonterlik joba» nomınasııasynda 1 oryndy «О́zenmunaıgaz» Ádil Sýebaı ıelendi, ol DSP jáne aýtızm dıagnozy bar 770 balalardy emdeýdi uıymdastyrdy.
«Úzdik eriktiler komandasy» nomınasııasy «QazTransOıl» AQ qyzmetkerlerine berildi. TJ kezinde qyzmetkerler gýmanıtarlyq kómekti Atyraý qalasyndaǵy balalar úıleri men resýrstyq ortalyqtarǵa, ómirlik qıyn jaǵdaıǵa tap bolǵan adamdardy qaıta áleýmettendirýge arnalǵan ortalyqqa, Atyraý oblysyndaǵy turmystyq zorlyq-zombylyqqa ushyraǵan áıelderge arnalǵan daǵdarys ortalyǵyna jáne t.b. jetkizdi.
Jeńimpazdar baǵaly jáne estelik syılyqtarymen marapattaldy.
«Bizdiń ıgi isterimizdiń nátıjeleri men baıqaýdaǵy jeńis óndiristik jastardyń qoǵamdyq birlestiktermen jáne memlekettik uıymdarmen teń dárejede qorshaǵan ortany qorǵaý, qaıyrymdylyq, salaýatty ómir saltyn nasıhattaý sııaqty salalarda belsendilik tanyta alatynyn dáleldedi. Volonterler jyly bizdi biriktirip qana qoımaı, korporatıvtik rýhty nyǵaıtty», - edi Shákimova Altyngúl-Atyraý munaı qubyry basqarmasy О́QB ınjeneri «QazTransOıl» AQ.
«Samuryq-Qazyna» kompanııalar tobynda kompanııalar tobynyń barlyq beı-jaı qaramaıtyn qyzmetkerlerin biriktiretin SK Volunteer Volonterler lıgasy jumys isteıdi. Qatysýshylar sany shamamen 1800 adam. Qor tobyndaǵy volonterlik tórt baǵyt boıynsha júzege asyrylady: Qamqor - muqtajdarǵa qamqorlyq kórsetý, Umit – qoǵamdyq volonterlik, Asyl mura – Qazaqstan tarıhyn saqtaýǵa járdemdesý, Taza Kazakhstan – tabıǵatty saqtaýǵa úles qosý.