Atyraýdaǵy volonterler shtaby «Shyn júrekten» aksııasy ótkizip, erekshe balalardyń otbasyna jańajyldyq 7 myń syılyq taratty，dep habarlaıdy Egemen.kz
Volonterler shtabynyń jetekshisi Áıgerim Dosqalıevanyń aıtýynsha, bul aksııaǵa oblysy ákimdigi qoldaý bildiripti.
«Qazir oblysta 4 myńǵa jýyq erekshe kútimdi qajet etetin bala bar. Jańa jyl qarsańynda oblys ákimdiginiń qoldaýymen jáne demeýshilerdiń kómegimen sondaı balalardyń otbasyndaǵy barlyq balaǵa syılyq berý uıǵaryldy. Osy maqsatta 7 myńnan astam syılyqty úlestirilýde. Bizdiń basty kómekshimiz – eriktiler shtaby. Jańa jylǵa deıin qaıyrymdylyq aksııasyn jalǵastyrý arqyly ár balaǵa qýanysh syılaýdy kózdedik»，deıdi oblys ákiminiń orynbasary Baqytgúl Hamenova.