Premer-mınıstr Oljas Bektenov pen Qazaqstanǵa jumys saparymen kelgen Reseı Federasııasy Úkimetiniń tóraǵasy Mıhaıl Mıshýstın ekijaqty kelissózder júrgizdi. Kezdesý barysynda saýda-ekonomıkalyq, ınvestısııalyq yntymaqtastyq, ónerkásip pen energetıka, kólik salasyndaǵy jobalardy júzege asyrý, sondaı-aq ekologııa salasyndaǵy ózara is-qımyl máseleleri talqylandy, dep habarlaıdy Egemen.kz.
«Memleket basshysy Qasym-Jomart Kemeluly Toqaev pen Vladımır Vladımırovıch Pýtınniń birlesken kúsh-jigeriniń arqasynda qazaq-reseı qatynastary ózara is-qımyldyń sapaly jańa deńgeıine kóterildi. Sońǵy jyldary ózara saýda kólemi 30 mlrd-tyq mejege edáýir jaqyndady», dedi Oljas Bektenov.
Reseı Qazaqstan ekonomıkasyna salynyp jatqan ınvestısııalar kólemi boıynsha kóshbasshy elder qatarynda. О́tken jyldyń 9 aıynda kórshimizden $2,1 mlrd ınvestısııa tartyldy. Al sońǵy 20 jyl ishinde reseılik tikeleı ınvestısııalar kólemi $28,5 mlrd-qa jetken. Qazaqstan RF ekonomıkasyna $9 mlrd ınvestısııa saldy.
Qazaqstan Reseıden elektr energııasyn satyp alýdan bas tarta ma?
«Sizdi jáne qazaqstandyqtardy tarıhı oqıǵamen, jańa Konstıtýsııanyń qabyldanýymen shyn júrekten quttyqtaımyn. Referendým nátıjesi Qazaqstan halqynyń el Prezıdenti Qasym-Jomart Kemeluly Toqaevtyń zamanaýı ári órkendegen memleket qurý, respýblıka azamattarynyń ál-aýqatyn arttyrý baǵytyn qoldaıtynyn naqtylaı tústi», dedi Mıhaıl Mıshýstın.
Roman Sklıar Qytaı parlamenti tóraǵasymen kezdesti