Almatyda túngi zańsyz jarystar men qaýipti kólik júrgizý faktileriniń joly kesildi. Qalada jol qozǵalysy erejelerin óreskel buzý jaǵdaılarynyń kóbeıýine baılanysty polısııa kúsheıtilgen reıdtik sharalar ótkizip jatyr, dep habarlaıdy Egemen.kz.
Sońǵy úsh kún ishinde Almaty kóshelerinde 5 myńnan astam quqyq buzýshylyq tirkelgen. Onyń ishinde mas kúıde kólik júrgizgen 43 adam ustalyp, barlyǵy júrgizýshi kýáliginen aıyryldy. Sondaı-aq 369 júrgizýshiniń kólikti tıisti qujattarsyz basqarǵany anyqtaldy. Reıd nátıjesinde 94 avtokólik aıyp turaǵyna qoıyldy.
Jedel-profılaktıkalyq is-sharalar barysynda qaýipti manevr jasaý men túngi jarystar uıymdastyrý áreketteri der kezinde toqtatyldy. Sonymen qatar belgilengen jyldamdyqty asyrýdyń 2 myńnan astam deregi tirkelgen.
О́skemende patrýldik polısııaǵa shabýyl jasaldy
Vedomstvo ókilderi keıbir júrgizýshiler quqyq buzýshylyqtaryn ádeıi vıdeoǵa túsirip, áleýmettik jelilerde jarııalaý arqyly jazadan qutylyp ketemiz dep oılaıtynyn atap ótti. Alaıda mundaı áreketterdiń barlyǵy quqyq qorǵaý organdarynyń baqylaýynda.
Sonyń bir dáleli – Ál-Farabı dańǵylynda bolǵan oqıǵa. Júrgizýshi kóligin saǵatyna 250 shaqyrymǵa deıin údetken. Onyń jeke basy jedel anyqtalyp, ustaldy. Birneshe ákimshilik is qozǵalyp, sot sheshimimen ol 10 táýlikke qamaýǵa alyndy.
Polısııa qyzmetkeri úsh aılyq nárestesi bar otbasyny óz úıinde panalatty
Polısııa qaýipti júrgizýdiń aýyr saldarǵa ákelýi múmkin ekenin eskertip, barlyq júrgizýshilerdi jol erejelerin qatań saqtaýǵa shaqyrdy.