TJM qyzmetkerleri elimizdiń barlyq óńirlerinde óskeleń urpaq arasynda qaýipsizdik mádenıetin qalyptastyrý jáne qutqarýshy mamandyǵyn nasıhattaý boıynsha júıeli jumystardy jalǵastyryp jatyr. Qazirgi tańda 50-den astam «Jas qutqarýshy» synyby ashylyp, onda shamamen 1 000 oqýshy bilim alyp júr, dep jazady Egemen.kz.
Mańǵystaý oblysynyń Túpqaraǵan aýdanynda mektep oqýshylary «Jas qutqarýshylar» qataryna qosyldy. E. О́mirbaev atyndaǵy mektepte ashylǵan arnaıy synyp oqýshylardy tótenshe jaǵdaılar kezindegi is-qımyldarǵa úıretýge, jaýapkershilik pen patrıotızmdi tárbıeleýge baǵyttalǵan. Baǵdarlama aıasynda oqýshylar qutqarý isiniń negizderin meńgerip, órt qaýipsizdigi erejelerin oqıdy, alǵashqy medısınalyq kómek kórsetý daǵdylaryn ıgeredi jáne ártúrli tótenshe jaǵdaılar kezinde áreket etý tásilderin pysyqtaıdy.
Tótenshe jaǵdaılar salasyndaǵy alǵashqy volonterlik granttyń jeńimpazy belgili boldy
Mamandandyrylǵan synyptardy ashý jumystary Batys Qazaqstan oblysynda da júrgizilip jatyr. Tek osy jyldyń naýryz aıynda Shyńǵyrlaý aýdanynda jáne Báıterek aýdanynyń Dostyq aýylynda «Jas qutqarýshy» synyptary ashyldy. Qutqarýshylar balalarǵa qyzmettiń erekshelikteri, tártiptiń mańyzdylyǵy, jaýapkershilik jáne kez kelgen jaǵdaıda áreket etýge daıyn bolý týraly túsindiredi. Synyptar praktıkalyq daǵdylardy qalyptastyrýǵa jáne qaýipsizdik mádenıetin damytýǵa múmkindik beretin qajetti jabdyqtarmen jaraqtalǵan.
Aqtóbe qalasyndaǵy №45 orta mektepte de «Jas qutqarýshy» mamandandyrylǵan synyby ashyldy. Joba oqýshylardyń tótenshe jaǵdaılarda áreket etý daǵdylaryn damytýǵa baǵyttalǵan. Oqý barysynda oqýshylar ómir qaýipsizdiginiń negizderin meńgerip, praktıkalyq bilim men daǵdylar alady.
Osyndaı bastamalar jaýapty, batyl jáne ómirdiń kez kelgen jaǵdaıyna daıyn azamattardy tárbıeleýge, sondaı-aq jastardyń qutqarýshy mamandyǵyna turaqty qyzyǵýshylyǵyn qalyptastyrýǵa yqpal etedi.
Prezıdent Tokıonyń Tótenshe jaǵdaılar jónindegi ahýaldyq ortalyǵynyń jumysymen tanysty