Astana qalasynda qurylys alańynda bashnıaly krannyń kabınasy órtendi.Oqıǵa Aıtmatov kóshesi boıyndaǵy qurylys nysanynda bolǵan. Kran kabınasynan qoıý qara tútin shyǵyp, órt týraly habarlama túsken soń, oqıǵa ornyna órt sóndirýshiler jedel jetti, dep habarlaıdy Egemen.kz.
Tótenshe jaǵdaılar mınıstrligi málimetinshe, alǵashqy bólimsheler kelgen kezde kran kabınasy janyp jatqany anyqtalǵan. Qutqarýshylar órtti bıiktikte sóndirip, ony qysqa ýaqytta tolyqtaı oqshaýlaǵan. Zardap shekkender joq.
Kýágerler túsirgen vıdeoda kran kabınasyn tútin basyp, órt sóndirýshiler joǵaryǵa kóterilip, jalyndy sóndirip jatqan sátter kórinedi.
Qyzylordada polıseı órtenip jatqan úıden 2 balany alyp shyqty
Aıta keteıik, buǵan deıin Astana qalasynda taǵy bir oqıǵa tirkelgen – Nura aýdanynda aınalma dóńgelek (attraksıon) órtenip, jolaýshylar evakýasııalanǵan bolatyn.