Áleýmettik jelilerde Batys Qazaqstan oblysy aýmaǵynda ushqyshsyz ushý apparaty qulaǵany týraly sýretter tarady, dep habarlaıdy Egemen.kz.
Batys Qazaqstan oblysynyń polısııa departamenti bul aqparatty rastady.
Vedomstvo málimetinshe, Aqjaıyq aýdanynda ushqyshsyz ushý apparatynyń bólshekterine uqsas zattar tabylǵan. Atalǵan derek boıynsha tekserý jumystary júrgizilip jatyr.
«Nysan eldi mekennen tys jerde tabyldy. Oqıǵanyń barlyq mán-jaıy anyqtalyp jatyr», dep naqtylady polısııa ókilderi.
Aıta keteıik, bul Batys Qazaqstan oblysy aýmaǵynda qulaǵan alǵashqy dron emes. О́tken jyldyń qazan aıynda Bórli aýdanyna qarasty Qyzyltal aýyly mańynda osyǵan uqsas jaǵdaı bolǵan edi.
Dýbaıdaǵy dron shabýylyn vıdeoǵa túsirgen sheteldikter ustaldy