Portýgalııalyq shabýylshy Krıshtıaný Ronaldý soqqan gol sany jóninen Peleni basyp ozdy, dep habarlaıdy Egemen.kz
Italııa chempıonatynda «Iýventýs» klýbynyń namysyn qorǵap júrgen Ronaldý «Ýdınezemen» ótken matchta resmı oıyndardaǵy 757-inshi jáne 758-inshi goldaryn soqty. Krıshtıaný lıssabondyq «Sportıng», aǵylshyndyq «Manchester Iýnaıted», madrıdtik «Real», týrındik «Iýventýs» jáne Portýgalııa quramasy sapynda barlyǵy 1032 match ótkizdi.
Pele 812 resmı oıynda 757 gol soqqan bolatyn. Goldar sany jóninen absolıýttik rekord chehııalyq shabýylshy Iozef Bısannyń enshisinde. Ol 1931-1955 jyldar aralyǵynda 759 gol soqqan eken.
Ronaldýdyń bul rekordty da jańartatyny anyq. «Ýdınezeni» 4:1 esebimen utqannan keıin ótken jylǵy chempıon «Iýventýs» 27 upaımen Italııa birinshiliginde ázirge besinshi orynda keledi. Jeńilistiń ashy dámin tatpaǵan «Mılan» klýby 37 upaımen jekedara kósh bastap keledi.
Eske sala keteıik, budan buryn Messıdiń Peleniń rekordyn jańartqanyn jazǵan bolatynbyz. Ol bir klýb úshin soqqan gol sany jóninen Peleniń kórsetkishinen asyp túsken bolatyn.