Aqtóbede ıývenaldy polısııa qyzmetkerleri reıd júrgizdi. Polısııa bólimine barlyǵy 46 bala jetkizildi, dep habarlaıdy Egemen.kz
Kámeletke tolmaǵandar arasyndaǵy quqyq buzýshylyqtyń aldyn alý maqsatynda Aqtóbe qalasy PB ıývenaldy polısııa qyzmetkerleri kún saıyn reıd júrgizedi. Iývenaldy polısııa qyzmetkerleri bir táýlikte kámeletke tolmaǵan 46 balany bólimshege jetkizdi.
«Bir jasóspirimnen pyshaq tárkilendi. Barlyq balanyń ata-anasyna túsindirý jumysy júrgizildi. Sondaı-aq QR ÁQBtK 442-baptyń 2-bóligi boıynsha 26 ata-ana ákimshilik jaýapqa tartyldy. Balalardyń ómiri men densaýlyǵyn saqtaý - eresekterdiń basty mindeti. Aqtóbe qalasynyń polısııa basqarmasy balalarynyń júrgen jerin baqylaýdy jáne demalystyń sátti ótýi úshin barlyq jaǵdaıdy jasaýdy suraıdy», dedi oblystyq PD baspasóz qyzmetiniń jetekshisi Erbolat Sarqulov.