Ulybrıtanııa men Eýropalyq odaq arasyndaǵy birlesken ómir súrý, jumys isteý jáne saýda jasaýǵa qatysty jańa erejelerdi qamtıtyn saýda kelisimi 31 jeltoqsan saǵat 23:00-den bastap kúshine endi. Tolyq kúrdeli kelisim 1200 betten asady.
Eýroodaqqa múshe elderde 90 kúnnen asa ýaqyt ótkizgisi keletin Ulybrıtanııa azamattary endi vıza alýy qajet. Ulybrıtanııa men Eýropalyq odaq arasynda kelisilgen taýarlar somasyna salyqtar men shekteýler bolmaıdy. Bank, sáýlet jáne býhgalterlik esep sııaqty qyzmetterdi usynatyn kásiporyndar Eýropalyq odaq naryqtaryna avtomatty túrde kirý quqyǵyn joǵaltady, sondaı-aq keıbir shekteýlerge tap bolady. Ulybrıtanııada EO-daǵy eń joǵary sot bolyp tabylatyn Eýropalyq sot (ECJ) úshin eshqandaı ról berilmeıdi.
Byltyr Ulybrıtanııa men Eýropalyq odaq arasynda birneshe aı boıy qyzý kelissózder júrdi. Biraz ýaqytqa sozylǵan kelispeýshilikten eshqandaı mámile bolmaıtyndaı kóringen edi. Balyq aýlaý aımaqtaryna qol jetkizý jáne oıynnyń teń sharttary týraly máseleler kelissózderge kedergi keltirýi múmkin degen kúmán boldy. Tek Rojdestvo qarsańynda Borıs Djonson men Eýropalyq komıssııanyń prezıdenti Ýrsýla fon der Lıaıen kelisimge kelgenderin jarııalady.
Brexit aıasynda Ulybrıtanııa mınıstrleri Brıtandyq balyq aýlaý flotyn qalpyna keltirý úshin 100 mıllıon fýnt sterlıng (137 mıllıon dollar) paketin daıyndaýda. Qarjylyq paket ekıpajdarǵa flotyn keńeıtýge múmkindik bermek, óıtkeni Eýropalyq odaq kelesi bes jarym jyl ishinde balyq aýlaýǵa arnalǵan keıbir kvotalardan bas tartady. Kelissózderiniń basty maqsattarynyń biri Irlandııa aralyndaǵy qatań shekarany boldyrmaý edi. Nátıjesinde Soltústik Irlandııa Eýropalyq odaq jáne Keden odaǵynyń biryńǵaı naryǵynyń quramynda qaldy.
Kópshilik dúısenbini taraptar úshin eń kúrdeli jumys kúnderiniń biri bolady dep boljaǵan edi. Jańa kelisimge úırengenshe shekarada júk kólikteriniń uzyn sonar kezegi bolatyny zańdy. Sondaı-aq Ulybrıtanııanyń Eýropalyq odaq quramynan tolyq shyǵýyna halyqaralyq naryq ta ózinshe jaýap beredi dep kútilýde.