Atyraý oblysynda koronavırýs ınfeksııasyna shaldyqqandardyń deni Teńiz kenishinde anyqtalyp otyr. О́tken táýlikte ken ornyndaǵy 144 jumysshy koronavırýs juqtyrdy, dep habarlaıdy Egemen.kz
Oblystyq densaýlyq saqtaý basqarmasy baspasóz qyzmetiniń málimetine súıensek, ótken táýlikte 149 adamnan koronavırýs PTR-test arqyly anyqtaldy.
«Naýqastardyń basym bóligi, ıaǵnı 144 jumysshy Teńiz kenishinde jumys isteıdi. Atyraý qalasynda 4, Jylyoı aýdanynda 1 adam koronavırýsqa shaldyqty. Koronavırýs 25 naýqasta sımptomdy túrde ótýde. О́tken táýlikte koronavırýs ınfeksııasynan 43 adam saýyǵyp shyqty» dep málim etti basqarmanyń baspasóz qyzmetinen.
Úı jaǵdaıynda emdelip jatqan 290 adam bar. Budan bólek, oblystyq ınfeksııalyq stasıonarda 91, aýdandardaǵy stasıonarlarda 38 naýqas emdelýde. Teńiz kenishindegi ınfeksııalyq stasıonarda 778 adam jatyr.