Fýtboldan Qazaqstan birinshiliginde baq synaıtyn «Jetisý» komandasyn aldaǵy maýsymda qazaqstandyq maman Konstantın Gorovenko jattyqtyratyn boldy. Bul týraly klýbtyń baspasóz qyzmeti habarlady.
43 jastaǵy Jambyl oblysynyń týmasy kásibı fýtboldaǵy alǵashqy qadamyn 1995 jyly Almatynyń «Qaırat» komandasynda bastaǵan. Odan keıingi jyldarda Taldyqorǵannyń «Jetisý», elordanyń «Astana», Almatynyń «Alma-Ata», «Megasport», Almaty oblysynyń «Suńqar» klýbtarynda dop tepken. Sonymen qatar 2000-2002 jyldary ulttyq quramada da óner kórsetken.
K.Gorovenko keıingi jyldary bapkerlik qyzmet atqaryp keledi. 2018-2020 jyldary Taldyqorǵannyń «Jetisý B» klýbyndaǵy tabysty nátıjesinen keıin, ol byltyr Qaraǵandynyń «Shahter» klýbynyń tizginin ustady. Onyń basshylyǵymen «kenshiler» komandasy Premer-lıgada tórtinshi orynǵa turaqtap, ÝEFA Konferensııa lıgasyna joldama alǵan bolatyn. Eske sala keteıik, buǵan deıin «Jetisý» komandasyn ózge bir qazaqstandyq maman Dmıtrıı Ogaı basqarǵan edi. О́tken maýsymda Almaty oblysynyń komandasy el birinshiliginde 6-oryndy mise tutty.