QR Parlament Májilisi tóraǵasynyń orynbasary Vladımır Bojko jańa saılanymda laýazymyn bosatatynyn málimdedi, dep habarlaıdy Egemen.kz
«Myrzalar, tynyshtalyńyzdar. Buǵan deıin de meniń zeınetke shyqqanymdy qalaǵandar boldy. Men bul týraly feısbýkte de málimdedim. Boldy, raqmet. Men ketemin», dedi sheneýnik.
Osy oraıda depýtat Prezıdent Qasym-Jomart Toqaevqa jáne Májilis Spıkeri Nurlan Nyǵmatýlınge alǵysyn bildirip te úlgerdi.
«Eń bastysy - men bul jerde jaqsy tájirıbe aldym. Buǵan deıin de zań shyǵarý prosesinde boldym, biraq bul jerde, árıne, barlyǵyna qajetti teńdessiz tájirıbe aldym. Munyń maǵan kóp jaǵdaıda paıdasy tıedi», dedi ol.