Nur-Sultanda qar jınaý jumystary eki aýysymda júrgizilip jatyr. Kommýnaldyq qyzmetter ásirese keshki jáne túngi ýaqytta qarqyndy jumys isteıdi, dep habarlaıdy Egemen.kz ákimdiktiń resmı saıtyna silteme jasap.
11 qańtardan 12-sine qaraǵan túni qalanyń joldaryn, trotýarlaryn, alańdary men basqa da qoǵamdyq aýmaqtaryn sanıtarlyq tazalaýǵa 300-den astam arnaıy tehnıka men 50-den astam jol jumysshy jumyldyryldy. О́tken táýlikte 14 500 tekshe metr qar shyǵaryldy.
Búgin, ıaǵnı 12 qańtarda qala boıynsha qar jınaý jumystaryna 900-ge jýyq arnaıy tehnıka men 2000-nan astam jol jumysshy jumyldyryldy.
Esterińizge sala keteıik, jınalǵan qar elordanyń aýdandarynda ornalasqan on bir polıgonǵa shyǵarylady. Qalada qar jınaý 24/7 rejıminde júrgiziledi. Polıgondarda baqylaý úshin foto-jáne beınekameralar ornatylǵan.