Memlekettiń nemen aınalysatynyn jáne ártúrli jobalardyń qalaı iske asyrylyp jatqanyn bilý jáne ashyqtyǵyn anyqtaý maqsatynda «Ashyq úkimet» platformasy quryldy. Bul týraly Sıfrlyq damý, ınnovasııa jáne aeroǵarysh ónerkásibi mınıstri Baǵdat Mýsın óziniń Facebook paraqshasynda jazdy, dep habarlaıdy Egemen.kz.
Mınıstrdiń aıtýynsha, «Ashyq úkimet» platformasy ashyq derekter, ashyq NQA, ashyq dıalog, ashyq bıýdjetter, sondaı-aq memlekettik organdar qyzmetiniń tıimdiligin baǵalaýdan turady.
«2021 jylǵy 14 qańtarda saǵat 18:00-de «Astana Hub» bazasynda «brainstorm» konferensııasy ótedi, onda biz «Ashyq úkimetti» damytý tujyrymdamasyn talqylaımyz. Barlyq nıet bildirýshi azamattardy talqylaýǵa shaqyra otyryp, ashyq úkimetti odan ári damytý úshin usynystardy birge qarastyrǵymyz keledi. Bizdiń mamandar taldaý júrgizip, problemalyq máselelerdi anyqtady. Olardyń sheshimderi servıs jumysyn edáýir jaqsartady. Al bizdiń maqsatymyz barynsha paıdalanýǵa yńǵaıly ári ońaı etip jasaý», dep jazdy B. Mýsın.