Abaı atyndaǵy Qazaq ulttyq pedagogıkalyq ýnıversıtetinde «Qashyqtan oqytý formatyndaǵy pedagogıkalyq bilim» Qysqy mektebi aıasynda tórt sessııa ótti, dep habarlaıdy Egemen.kz.
Birinshi sessııada ǵylym departamentiniń dırektorynyń mindetin atqarýshy Uljarqyn Abdıgapbarova «ASAP júıesi boıynsha ǵylymı jumystardy baǵalaý ádistemesi men rásimderi. Scival ǵylymı básekege qabilettilikti arttyrý quraly retinde» taqyrybynda semınar ótkizdi.
Semınarǵa Abaı atyndaǵy QazUPÝ-dyń ınstıtýt dırektorlarynyń ǵylymı ister jáne halyqaralyq qatynastar jónindegi orynbasarlary, kafedra meńgerýshileri, ǵylymı jetekshiler, doktoranttar qatysty. Tyńdaýshylar ASAP-tyń qashyqtan monıtorıng júrgizýdegi jáne ǵylymı jumystardy jetildirýdegi artyqshylyqtarymen tanysty. Iýlııa Kalchýn ǵylymı jetekshilerdiń ǵylymı jumystaryn túzetý úshin plagıatty anyqtaýǵa kómektesetin ASAP júıesiniń algorıtmin usyndy.
Rabıǵa Qajymqulova Scival-men ǵylymı básekege qabilettilikti arttyrý quraly, dáıeksóz alý salasyndaǵy zertteý nátıjeleri jáne onyń quraldary, zertteý ónimdiligine qol jetkizýdegi kollaborasııanyń róli týraly tanystyrdy. Sessııa qatysýshylary spıkerler usynǵan materıaldardyń ózektiligin atap ótti, JOO-nyń ǵylymı zertteýlerimen baılanysty problemalar týraly óz oılaryn talqylady.
Ekinshi sessııa «Stýdentterdi sheteldik joǵary oqý oryndarynda qashyqtan oqytý» taqyrybyna arnaldy. Sessııany halyqaralyq yntymaqtastyq departamentiniń dırektory Marjan Tadjıeva daıyndady. JOO qashyqtan oqytý jaǵdaıynda proktorıngpen baılanysty máselelerge tereń taldaý jasaldy. Semınar barysynda sheteldik spıkerlerdiń qatarynda Uly Vıtaýtas Lıtva ýnıversıtetiniń vıse-kansleri Ilona Tandzegolskene jáne Máskeý qalalyq pedagogıkalyq ýnıversıtetiniń Halyqaralyq yntymaqtastyq basqarmasynyń bastyǵy (Reseı) Darıa Mılıaeva qashyqtan oqytýdy uıymdastyrý tájirıbesimen bólisti.
ALMATY