Elbasy Nursultan Nazarbaev «Nur Otan» partııasy fraksııasynyń otyrysynda Úkimet basshysynyń kandıdatýrasyna qatysty pikir bildirdi, dep habarlaıdy Egemen.kz
«Meniń oıymsha, sabaqtastyqty saqtaý kerek. Barlyq qıyndyqqa qaramastan, Úkimet óz jumysyn jaqsy atqardy. Basqa elderge qaraǵanda biz jaman nátıje kórsetken joqpyz. Eger Prezıdent Asqar Uzaqbaıuly Mamındi usynsa, onda men fraksııadan onyń kandıdatýrasyn qoldaýdy suraımyn», dedi Nursultan Nazarbaev. Sóz sońynda Qazaqstannyń Tuńǵysh Prezıdenti depýtattardy taǵy da ótken saılaýdaǵy senimdi jeńisimen quttyqtap, fraksııa músheleriniń jumysyna sáttilik tiledi.